Школа ю вайн дахаран уггаре хаза а, ирсе а мур дIаболу меттиг. Дуьххьарлера хьехархо, элпаш, аьзнаш, ручка, къолам цигахь девза вайна. Дуьххьарлера доттагIий а, беламе дагалецамаш а школера дIа хуьлу.
Кхузаманан дешархойн ирс ду интернетан ниIматех пайдаэца аьтто болуш. Ткъа школин дахар довзуьйтуш газет хилар гуттар а дикачех дика гIуллакх ду. «Вайн школа» аларо кхио безаш бу ша дешначу школе ларам а, ша кхиъачу юьрте безам а.
Дукха гена а яц «Вайн школа» газет схьадоьллуш ду баьхна хан, амма тахана 10 шо кхочуш ду цуьнан. Зама сиха дIаяха. Делахь а, Дала елла, тIейогIуш йолу хан кхин а еха ю дIаяханчул а. Цу тIейогIучу хенахь, луур дара цу шен сийлахьчу цIарна тешаме хуьлуш, кху вайн нохчийн къоман тIаьхьенна беркате хуьлуш, дуккха а бIеннаш шерашкахь «Вайн школа» газет дехийла.
Ша деш долчу газетан итт шо кхачарца даггара декъалйо йо ас «Вайн школа» газетан коьрта редактор Абдулаева Зарема а, цу газетехь къахьоьгуш мел верг а.
Газетан дика Iу ву Кадыров Хьасайн. Цунах доьзна ду кхиамаш хилар. Луур ду тIейогIу хан, шун белхахойн кхолларалла а кхуьуш йогIийла, кхин а беркате йогIийла! Газетан коллективо дуьненаюкъарчу конкурсашкахь толамаш баьхна боху хаза кхаьънаш кест-кеста кхочийла шуьга!
Кхиамаш совбохуш, маьрша, сирла, цIена хуьлийла шун а, шун дешархойн а, кху вайн ерриг Нохчийчоьнан а дахар!
Дела реза хуьлда шуна, лараме йижарий а, вежарий а!
Даггарчу ларамца,республикин
«Даймохк» газетан коьрта редактор Шамсудинов Бувайса
