ХIетал-метал хаийла хьуна:

Мукъачеран, мукъазчеран,

Нагахь йукъахь далахь дов,

Машар барца дехьа, сехьа,

Кхуьйсу оха, даккхий ков.

Алал, доттагI, дов дIадерзош,

ХIун дан деза сиха ахь? 

(Къасторан хьаьркаш)

ХIетал-метал хаийла хьуна:

Ша букъ хьаьвзина лаьтташ йу,

Ша хIоттийнчохь, жоп доьху,

Хьава, йогIий ишколе...

Алал, цигахь хIун хьаьрк йогIу?

(Хаттаран хьаьрк)

ХIетал-метал хаийла хьуна:

Ша тIеда санна лаьтташ бу,

Цо гойтуш берг хилам бу.

Вайгахь даима хьеший бу

Алал, цигахь хIун хьаьрк йогIу?

(ТIадам)

ХIетал-метал хаийла хьуна:

Ша мара санна латташ йу,

Шена бухахь а тIеда бу.

Со инзаре цо цецвоккху,

ДIахьовсийша, сан доттагIий

Ма хаза бу, хьо сан Даймох...

Алал, цигахь муьлха хьаьрк йогIу?

(Айдаран хьаьрк)

ХIетал-метал хаийла хьуна:

Лакхара хьоьжу соьга чу,

Шен духарца бухь гуш бу.

Аьхка бежнаш оьце воьду,

Инзаре генахь хеташ воьду,

Воьдуш кIадлой хеда са,

Алал, стенга воьду со?

(Лома)

ХIетал-метал хаийла хьуна:

Кетарх хьерчаш, когаш шершош,

Беснеш зийзош, мохо идош,

Берийн йаьххьаш къагайеш,

ДогIу, латта ша кIайдеш. 

(Iа)

ХIетал-метал хаийла хьуна:

Нанас йина йац,

Дена йина йац,

Йу сан йиша,

Динехь йеза.

(Шурин йиша)

ХIетал-метал хаийла хьуна:

Йуьхьанца лахахь,

Ткъа денна генахь.

Охьа ца йоьду,

Ткъа хьала йоьду.

(Хан)

ХIетал-метал хаийла хьуна:

Цхьанна хуьлу со,

ТIулга тIехь зезаг,

Вукхунна хуьлу со,

Ша тIехь гIала.

(Ирс)

ХIетал-метал хаийла хьуна:

Хилла доцуш дика, вон,

Iенадо цо бIаьрхиш вайн.

(Хох)

ХIетал-метал хаийла хьуна:

БIаьста тIедуху духар,

Гурахь дIадоккху духар.

(Дитт)

ХIетал-метал хаийла хьуна:

Куьркахь кхерзина,

Хьерахь аьхьна,

ЦIергахь йеттина,

Шурех ийна.   

(Сискал)

ХIетал-метал хаийла хьуна:

Могуш хилча иза эшац,

Цомгуш хилча, дагайогIу.

Цуьнца иза хьалайолу,

Метта веъча, охьайолу. 

(Градусник (дагар дустург)

ХIетал-метал хаийла хьуна:

Ломал дехьа Ислам ву,

Ломал сехьа Бислан ву,

ЧIогIа къуьйсуш ши кIант ву,

Ша-ша нийса хеташ ву,

Алал царах бакъ муьлха ву?  

(Ислам)

ХIетал-метал хаийла хьуна:

Йац ас и кхиийна,

Кхиийна схьайелла.

Диканиг нислахь, йу иза йоI,

Ткъа вониг нислахь бу иза баI.

(Нус)

ХIетал-метал хаийла хьуна:

Са тесча йоду,

Са дайча йогIу.

Нана уллохь ца хилахь,

Бераш чIогIа кхоьру цунах. 

(Буьйса)

ХIетал-метал хаийла хьуна:

Нехийн мостагI,

ЦIано йезаш.

Зудрийн доттагI,

Куьйгах леташ. 

(Нуй)

ХIетал-метал хаийла хьуна:

Цхьаъ, шиъ, кхоъ, диъ, пхиъ, йалх,

РагI ца йухуш дIауьду,

Цхьаъ цхьаннал сов ца дуьйлу

Хьалха тIаьхье ларйеш йу.

(Терахь)

ХIетал-метал хаийла хьуна:

Йаахь шийла ахь морожни,

Хьайна тIехь шийла лелахь хьо.

ЙогIий йестий и схьакхочу,

Йоккха хуьлий буьрка шех,

Къурд ца балуш, хIума ца йаалуш.

Мел чомехь, и хиларх мерза.

Дагаро ша цIергахь вотту,

Туьйсуьйтуш хьан дегIах цIе. 

(Ангинаш)

ХIетал-метал хаийла хьуна:

Аьтту агIор валахь,

ДIачIогIу сайн ков.

Аьрру агIор валахь,

Доьллу ас сайн ков.

(ДогIа)

ХIетал-метал хаийла хьуна:

Араволуш аранехьа,

Чуволуш чоьхьанехьа.

(ТIам)

ХIетал-метал хаийла хьуна:

Шарахь цкъа бен догIуш дац,

Шеца беркат шортта ду.

Берахь дуьйна туьйса са,

Хиларе дуьнен чу са.

Йуххе йохке бедарш хуьлу

Араэккха кийча хуьлу.

Алал, доттагI, и хIун де ду?

(Марха досту де)